అప్పుల్లో కూరుకుపోతున్న పాకిస్తాన్‌ పెట్టుబడిదారులను ఆకర్షించడానికి చేసిన ఓ ప్రయత్నం అంతర్జాతీయంగా మరోసారి పరువు తీసింది. పాకిస్తాన్‌కు చెందిన ఎస్‌సీసీఐ ఓ ఇన్వెస్టర్ల సదస్సును అజర్‌ బైజాన్‌ దేశ రాజధాని బకూలో నిర్వహించింది. పెట్టుబడి అవకాశాల సదస్సుతో  నిర్వహించిన ఈ కార్యక్రమం ఈ నెల 4 నుంచి 8 వరకు జరిగింది. అయితే అక్కడికి వచ్చిన పెట్టుబడిదారులను ఆకర్షించడానికి ఈ కార్యక్రమంలో బెల్లీ డాన్స్‌ను ఏర్పాటు చేసింది.  దీనిని పాక్‌ జర్నలిస్టు ఒకరు.. వీడియోతో సహా ట్విటర్‌ వేదికగా పంచుకున్నారు. అది కాస్తా సోషల్‌ మీడియాలో వైరల్‌గా మారింది. బెల్లీ డ్యాన్సర్లతో అశ్లీల నృత్యాలు చేయించడాన్ని ఆ దేశ ప్రజలే తీవ్రంగా తప్పుబడుతున్నారు. భారత్‌ చంద్రయాన్‌-2 మిషన్‌లో నిమగ్నమై ఉంటే.. పాక్‌ మాత్రం బెల్లీ మిషన్‌ను సమర్థంగా నిర్వహించిందంటూ ఎద్దేవా చేస్తున్నారు. మరికొందరైతే.. పెట్టుబడులు ఆహ్వానానికి పాక్‌ కొత్తమార్గం కనుగొందంటూ ట్వీట్‌ల వర్షం కురిపిస్తున్నారు.

The post పాకిస్తాన్ చీప్ ట్రిక్స్…విమర్శల వర్షం appeared first on Telugu Bullet.