X Close
X
+91-9866010944

హెల్మెట్ లో తల…బ్యాగ్ లో బాడీ పార్ట్శ్…మహిళ అనుమానాస్పద మృతి


murder-2

కర్ణాటకలోని మంగళూరులో జరిగిన దారుణ ఘటన వెలుగులోకి వచ్చింది. ఖాద్రీ పార్క్ సమీపంలోని ఓ పండ్ల దుకాణం దగ్గర అనుమానాస్పదంగా పడి ఉన్న ఓ బ్యాగును తెరిచి చూడగా అందులో మహిళ దేహం ముక్కలు ముక్కలుగా ఉండటం కలకలం సృష్టించింది. పోలీసులు కధనం ప్రకారం ఎప్పటిలాగే పండ్ల దుకాణం తెరిచేందుకు వెళ్లిన షాపు యజమాని ఆ బ్యాగ్‌ను చూశారు. బ్యాగులో ఏముందో తెలుసుకోవడం కోసం దాన్ని తెరిచాడు. ఊహించని విధంగా ఆ బ్యాగులో మహిళ అవయవాలు ఉండటంతో అతడు ఒక్కసారిగా భయపడి కేకలు వేయడంతో చుట్టుపక్కల వాళ్లు అక్కడికి చేరుకున్నారు. పోలీసులకు సమాచారం ఇవ్వడంతో వెంటనే పోలీసులు కూడా అక్కడికి చేరుకున్నారు. బ్యాగుతో పాటు అక్కడ ఓ హెల్మెట్ ఉండటం అందులో మహిళ తల ఉండటాన్ని గమనించిన పోలీసులు బ్యాగులోని అవయవాలు కూడా మహిళవే అనే నిర్ధారణకు వచ్చి కేసు దర్యాప్తు మొదలుపెట్టారు. పోలీసుల విచారణలో హత్యకు గురైన మహిళ పండేశ్వర్ ప్రంతంలో ఓ ఎలక్ట్రికల్ షాపును నడుపుతున్న ఆమెదిగా గుర్తించారు. భర్తతో గొడవపడిన ఆమె కొంతకాలంగా భర్త నుంచి దూరంగా ఉంటోంది. ఈ హత్యలో అతడి హస్తం ఏమైనా ఉందా అనే కోణంలోనూ దర్యాప్తు చేపట్టారు. అయితే ఓ మొబైల్ దొంగతనం కేసులో కొద్దిరోజులుగా అతడు జైలులో ఉన్నట్టు గుర్తించిన పోలీసులు… కేసును మరింత లోతుగా దర్యాప్తు చేయాలని నిర్ణయించుకున్నారు.

The post హెల్మెట్ లో తల…బ్యాగ్ లో బాడీ పార్ట్శ్…మహిళ అనుమానాస్పద మృతి appeared first on Telugu Bullet.

(TEL BULLET)